Dis da Sentupada 2025 a Glion, ils 7 - 9 da fevrer

La Fundaziun Retoromana Pader Flurin Maissen (FRR) organisescha per l’emprema ga ils “Dis da Sentupada”, ina fin d’jamna sut l’enzenna dil lungatg romontsch e sia cultura. Ils Dis da Sentupada ein organisai sco cuors tenor il motto: Cumpact. Familiar. Romontsch. Dapli dil cuors: frr.ch/dis-da-sentupada Ina part dil program da quels dis ei publica, numnadamein venderdis sera dallas 20.00, e sonda naven dallas 14.00 - ca. las 23.00 cun Bernard Maissen, Gabriela Desax, Chasper, Pult, Sandra Blum alias fumitgasa Greta, il Chor Uvriu Danis-Tavanasa, il Chor mischedau Sevgein, Conradin Klaiss (cant aviert) Dapli informaziuns dil program public ein d'anflar el document aschuntau. Quella nova purschida possiblitescha da s’inscuntrar, s’informar, emprender, emprender d’enconuscher, discutar, debattar, perfecziunar, cantar, s’inamurar, sedivertir, far fiasta, tgirar amicezias, tgirar la cultura, tgirar il romontsch. Tut ils arranschaments (luvratoris, seminaris, prelecziuns, referats, purschidas culturalas) vegnan realisai exclusivamein per romontsch.