Encuretg: Voluntaris per la fiasta d'affons

Nus encurin voluntaris e voluntarias per la 23avla fiasta d’affons a Laax che ha liug ils 20 e 21 da fenadur 2024. Tut tenor liug e post gidas ti da survigilar ils affons tier ils giugs, gidas da sevestgir, da trer en tschentas, vestas, capellinas eav. Sco gidonter e gidontra en cuschina ni tier ils buffets eis ti responsabels per l’alimentaziun da pign e grond. Secapescha che nus risguardein sche zaco pusseivel adina Tes giavischs da liug e post. Tenor giavisch planisein nus tei in di ni era duront omisdus dis dalla fiasta. Ti survegns bons per la consumaziun els restaurants sil plaz, in t-shirt ed ina capetscha. Plinavon envidein nus tei igl uost ad ina fiasta da gidonters. La pli gronda pagaglia ein denton ils egls glischonts, il rir ed il plascher dils affons che han astgau passentar in bi temps duront la fiasta d’affons.