RTR-Livestream da la festa da la Sontga Crousch a Savognin

Allegra La «Festa da la Sontga Crousch» tutga tar las grondas festas da baselgia tradiziunalas a Savognin. Gia la damaun baud a las 06:00 cura ch'ils zains tutgan l’Ave Maria fan 12 (quatter giadas trais) sajets da murters attent la populaziun sin la festa. A las 08:00 uras vegn la «Sontga Crousch» postada sin l'altar principal, accumpagnà danovamain da trais sajets da murters. Livestream da la messa festiva a Savognin RTR emetta quest onn per l'emprima giada questa messa festiva en in livestream sin rtr.ch. Dumengia, ils 5 da matg davent las 09:45 uras è il livestream activ. La messa cumenza a las 10:00 uras cun l'entrada dals celebrants pader Mauro Jöhri e l'administratur Zenon Tomporowski. Ensemen cun ils ministrants vegnan els tras l'entrada principala en la baselgia Nossadonna. L'organist Jürg Wasescha accumpogna musicalmain l'entrada. Punct culminant da l'onn giubilar Il Chor viril baselgia Savognin enramescha la messa festiva cun la «Messa da la Bina», la messa che regorda a l'emprima dirigenta dal chor viril, Sabina De Latour. Il chor viril festivescha quest onns ses 175avel anniversari e la «Festa da la Sontga Crousch» è il punct culminant da l'onn da giubileum. Il livestream pudais Vus suandar ils 05-05-2024 a partir da las 09:45 sin rtr.ch. Nus giavischain bun divertiment.