Nov lavuratori «Scriver litterar»

La Lia Rumantscha porscha a partir dal 2025 in lavuratori «Scriver litterar» per auturas ed auturs rumantschs, l’emprima purschida da furmaziun e da perfecziunament per scriver texts litterars en rumantsch. Il curs cumpiglia tschintg moduls tematics litterars, dat ina survista da la litteratura rumantscha e sa concentrescha sin ils differents aspects dal mastergn da l'autura u l'autur. La purschida sa drizza a persunas rumantschas che han gia fatg emprimas experientschas da scriver texts litterars e che vulan approfundar quellas. Infurmaziuns davart la purschida èn da chattar sin liarumantscha.ch/rm/purschidas/lavuratori-scriver-litterar. A partir dal settember 2024 vegnan ad esser publitgads l’andament ed ils criteris per l’admissiun al lavuratori ed ina descripziun detagliada dals cuntegns dals moduls.