premi travers zuoz: scrivai in nov toc da teater!

Per il festival travers zuoz 2025 tschertgain nus in nov toc da teater rumantsch. Il termin per inoltrar in text per la concurrenza è ils 15 da matg 2024. Cun il premi travers zuoz promova l’uniun travers la lavur da teater rumantscha e publitgescha per la segunda giada ina concurrenza per autur:as. - Il premi consista d’ina contribuziun ad in’ovra da CHF 15’000 incl. in contract d’ovra per l’emprima represchentaziun l’atun 2025 en il Zuoz Globe. - Il text sto vegnir inoltrà fin mesemna, ils 15 da matg 2024 a las 24:00. - La premiaziun ha lieu ils 15 da zercladur 2024 a las 17.00 en il Zuoz Globe / Lyceum Alpinum Zuoz. - Il premi vegn offert da la Lia Rumantscha e da la vischnanca da Zuoz. La premiera dal toc vegn coproducida dal Zuoz Globe/Lyceum Alpinum Zuoz. Ulteriuras infurmaziuns chattais Vus sin nossa pagina d'internet: uniun-travers.ch/publicaziun