Agid

chalender.ch sco app sin il telefonin

Il servetsch chalender.ch stat era a disposiziun sco app (progressive web app) per apparats mobils. L’installaziun vegn lantschada directamain en il navigatur.

Sin Android: Simplamain visitar chalender.ch, smatgar sin ils trais puncts (⋮) e lura cliccar sin «Installar», «Installieren» u «App installieren» (dependent dal navigatur). En iOS: Tutgar l’icona per parter (il simbol cun la frizza che mussa ensi) e tscherner «Zum Home-Bildschirm».

Ussa cumpara l’icona da chalender.ch tar las autras apps installadas sin il telefonin.

Avis: Suenter avair visità trais giadas chalender.ch dumonda la website automaticamain sche l’app duai vegnir installada. L’installaziun via ils app stores n’è betg necessaria – en il «Play store» da Google u en l’«App store» dad Apple n’è l’app pia betg da chattar.

Integrar chalender.ch en tia pagina

Ti pos integrar chalender.ch cun agid dad in iframe directamain en tia pagina d’internet. Instrucziuns tecnicas sco far quai chattas ti sin questa pagina.

Igl è era pussaivel dad integrar il chalender via API. Ans contactescha en quest cas cun agid dal formular sin la pagina impressum.