Preschantaziun dal Chalender Ladin

La tuaglia da glin da l'artista Ursina Gianotti chi savess da quintar da sguozchas da squitschs e skizzas, culurs e fuormas in cumbinaziuns natüralas, intant cha la vusch briglianta da la chantadura Sara-Bigna Janett strasuna in clings da cristal tras il Chalender, varias contribuziuns our da nossas vals, dad hoz e da temps passats, da giuven e vegl, ün'invista i'l far e da far da Ladin:as cuntschaint:as, figüras istoricas chi revivan, algordanzas a temps paschaivels sün "hofs" ed a temps da guerra cun mangiativas raziunadas ed ün eroe bod i in invlidanza, fotografias gnüdas a glüm sün plattas da vaider stattas lönch sün charpenna, rapports, texts documentars e poetics, prosa cuorta e poesias cun pleds chi drivan muonds. Ed amo bler oter plü... Tuot quai chattaivat aint il Chalender Ladin 2027.