Di dallas portas aviartas: duas fuormas da terapia cumplementaras sut in tetg a Glion

La TCM Ilanz GmbH da Flurina Sgier ha midau casa alla via dalla staziun 33 (denter la Vita Surselva e Hotel Eden). Da niev parta ella la pratica cun Lea Cavegn dalla pratica Vitalea. Da cuminonza porschan ellas la medischina tradiziunala chinesa e la terapia da zonas da reflex dil pei sut in tetg e rinforzan aschia la purschida medicinala cumplementara ella regiun. Lur finamira communabla ei da promover il beinstar e la sanadad da lur pazientas e pazients a moda cumplessiva. Leutier cumbineschan els metodas cumprovadas dalla medischina tradiziunala chinesa – denter auter l'acupunctura e la massascha da tuina – cun terapia dalla zona da reflex dil pei ed in accumpignament individual.