14 d'uost 2026, Tibadas

TIBADAS 2026 A RUSCHEIN Dapi igl onn 2013 organisescha il Museum Regiunal Surselva mintgamai la sera avon Nossadunna d'uost, pia ils 14 d'uost, las Tibadas. Uonn ei Ruschein hosp dallas Tibadas. Sper la reit da tuns, inscenai da Heinz Girschweiler, separticipeschan ulteriuras formaziuns cun instruments alpins. Dalla partida ein sunatibas dalla regiun sco era l'Uniun da Platialas Muraun che procura cun lur plumpas per impressiuns sonoras. Igl Ave Maria dil signun conta Pauli Bass da Clavadi. Arranschada vegn l'occurrenza dil Museum Regiunal Surselva en collaboraziun cun Florian Cajacob da Sumvitg che ha surpriu il mistregn tradiziunal da far tibas da Marcel Bass d'Andeer. L'occurrenza ha liug venderdis, ils 14 d'uost 2026, naven dallas 19.30 sil plaz scola a Ruschein (mo da bun'aura). Per la purschida culinarica procura il Chor mischedau da Ruschein cun ina pintga ustria sil plaz da scola gia naven dallas 18.30. L'entrada ei libra. Ina collecta ei beinvegnida.