Teater el liber «1799 - Revolta ella Cadi» a Mustér

L’Uniun Dentervals presenta questa stad a Mustér sper la Claustra cun «1799 – Revolta ella Cadi» la secunda producziun da teater el liber. Il drama historic ei screts dil historicher Hubert Giger ed adattaus ed inscenaus dil regissur indigen René Schnoz. Il teater raquenta in capetel stgir da nossa historia locala e surregiunala. L’inscenaziun cumbinescha il giug da teater, cun la vesta viers Medel, la claustra, culissas, glisch, projecziuns e musica aschia ch’il publicum sa s’imaginar co quei ei stau per nos antenats avon varga 200 onns d’esser denter las fronts dils franzos e dils austriacs. Nus selegrein d'astgar beneventar vus a nossa producziun. Bigliets e dapli informaziuns anfleis vus sin nossa pagina d'internet denterval.ch