The Legend of King Arthur: Da legendas e cuntradas

Ils concerts da primavaira da la Grischun Brass collia motivs da ditgas e mitus cun cuntradas sonoras multifaras. Il punct culminant furma l'ovra «The Legend of King Arthur» da Peter Meechan. Quella raquinta musicalmain la ditga dad Artus – da la spada Excalibur en il crap sur la Battaglia al Mount Badon fin a l'istorgia enturn Guinevere. Litteratura da brass band pretensiusa ch'ha servì il 2014 sco toc da test per il National Championship of Great Britain en la Royal Albert Hall. En la segunda part interpretescha il principal cornetist e solo champiun europeic Simon Gabriel il «Allegro» or dal concert da violina en d-moll da Felix Mendelssohn. La vusch da solo virtuosa fa valair il stil caracteristic da Mendelssohn en in nov vestgì sonor. Cun «Hymn of the Highlands» da Philip Sparke vegn la saira cumplettada cun in ulteriur classicher. En set moviments nascha in panorama musical da la cuntrada legendara da la Scozia, purtà da solistas e solists or da las atgnas retschas.