Architectura per la cultura – gl’Archiv cultural Tujetsch

La cultura da construcziun nescha tras ina confruntaziun intensiva cul liug sco er cun in’architectura che tracta a moda nizeivla e cunscienta la construcziun, il material ed il spazi. Quellas caussas ein colligiadas cun emoziuns, eveniments e casualitads. Per in’architectura cun ina pretensiun d’ina relevanza sociala, ein sentupadas cun la realitad dil mintgadi indispensabelas. Aschia era a Sedrun. La sfida da construir igl archiv cultural ei stada da colligiar il mintgadi cul spezial. Avon strusch in onn ei gl’Archiv cultural Tujetsch vegnius aviarts. Nies siemi cumineivel ei vegnius realisaus. El decuors dil process viviu e cumpurtau ei beinenqual caussa semidada. Diversas ei svaniu, auter ei daventau pli concret. Nus mirein ussa (criticamein) anavos e rapportein davart temas che han occupau duront quei temps, sco era davart quei che ha influenzau el process dalla construcziun digl archiv.