Di da las portas avertas pro l'Archiv cultural Engiadina Bassa ACEB a S-chadatsch/Strada

Culla prümavaira rivan las randulinas. Eir a S-chadatsch. Culla «Vogelwarte Sempach» ha l'ACEB pisserà cha lur dachasa sia garanti eir davo la renovaziun. Ed in chasa nu vaina be dat sü culur, las anteriuras stanzas da scoula sun hoz archiv e biblioteca, o cun oters pleds: Ün dachasa pella memoria da l'Engiadina Bassa. Hoz riva l'ACEB sias portas per la populaziun. Ils archivars muossan s-chazis chi sun gnüts surdats daspö 15 ons a l'archiv. A las 11.00 daja ün act uffizial. Cusglier guvernativ Jon Domenic Parolini porta il salüd da la regenza, il nouv archivar chantunal Sandro Decurtins spiega la relaziun tanter archivs regiunals e l'Archiv da stadi e lura ans fatschendaina eir culla bacharia da chasa, guardain ün film d'archiv dad RTR e Corina Caviezel-Stupan discuorra cul anteriur bachèr Cristian Juon da quist tema. Cun schoppa da jotta e liongias brassadas pigliaina forza per ün programm varià dal davomezdi cun visitas da l'archiv cun guida, cun films ed otras truvaglias.