La scuvretga moderna dil mund dils bulius

Ils bulius stattan dapi plirs decennis fetg en moda en gasettas, en publicaziuns scientificas ni en exposiziuns. Els vegnan tractai sco creatiras misteriusas, multifaras ed empermettentas. Era il diember da rimnaders e rimnadras en nos uauls ha contonschiu records. Quei ei denton buca adina stau aschia. Tochen el 20avel tschentaner valevan ils bulius en Svizra ed en l’Europa occidentala per bia persunas sco prigulus ch’ins dueva evitar, gie schizun destruir. Co ei la midada d’ina societad che temeva ils bulius sesviluppada ad ina societad che appreziescha e careza els? Tgi ha contribuiu tgei a quella midada? Eisi stau la savida d’experts dils marcaus ni la savida d’experientscha dallas regiuns ruralas? E tgei savein nus emprender ordlunder? A quellas damondas s’avischina quella sera Jon Mathieu, in dils pli profilai enconuschiders dalla cultura alpina.