Concert da Cha da Fö a Schlans

«Cha da Fö» es darcheu sün turnea. Als 07 november fa’l fermativa a Schlans. La musica es fingià tuot la vita da Roland Vögtli centrala. El ha sunà in diversas bands, per exaimpel «Andarojo» e «Nau». Success sur il cunfin svizzer oura ha’l gnü cun «Me&Marie». Cun «Cha da Fö» è’l in gir sco solist. Quatter ons ha Roland Vögtli fat posa da la musica, ün temp ch’el ha dovrà per chattar darcheu sia creatività. «Far musica s’ha müdà per mai cumplettamaing», disch il chantautur. Amo avant desch ons saja seis böt principal stat quel dad avair success culla musica. «Uossa fa’la simplamaing bain».  Roland suna chanzuns dal disc cumpact «Automatic», mo eir chanzuns nouvas chi dessan gnir registradas i’l decuors dal inviern. Planisà es ün album cun desch chanzuns chi dess cumparair dal 2026. A seis stil resta «Cha da Fö» fidel: pop, rock, folk. «Eu sun ün chantadur rumantsch e pretend jent ch’eu fetscha indie rumantsch», disch l’Engiadinais riond.