"Reuniun" - Il concert da Quintinò

Igl ensemble Quintinò planisescha in concert tut spezial per festivar a moda commensurada sia existenza da pli che 20 onns. Quei eveniment ei per nus in punct culminont: Ils tschun musicists dalla gruppa Quintinò e las quater cantaduras, che han cooperau ils davos onns els differents concerts, sepresentan numnadamein per l'emprema gada communablamein sin tribuna. El concert ein ils hits ord ils differents programs d'udir - ils puncts culminonts ord pli che tschien seras da concert. Il concert da giubileum ei ina caussa che stat a cor a nus, mo era als numerus amaturs da nossa musica, ch'accumpognan ed apprezieschan nus gia dapi biars onns. Cooperaturas/Cooperaturs Ensemble Quintinò: Guido Decurtins, Fredy Manser, Augustin Maissen, Andriu Maissen, Andi Schnoz Cantaduras: Martina Hug, Ursina Giger, Laura Decurtins, Karin Streule