Viseta guidada ella zezzaneera

Viseta guidada ella zezzaneera Ils suandonts gis ha ina guida atras l'exposiziun "Lilly Keller – ina piuniera. Investa en sia veta ed en sia ovra." liug. Lilly Keller (1929–2018), artista bernesa cun antenats da Tusaun, fageva part dil cerchel intern entuorn Daniel Spoerri, Meret Oppenheim, Friedrich Kuhn, Peter von Wattenwyl, Jean Tinguely e Leonardo Bezzola. Ella ei stada presenta duront varga curont’onns ella scena d‘art cun lavurs multifaras, sco per exempel ella Kunsthalle ed el Kunstmuseum a Berna ni alla messa d‘art a Basilea. Tier sias varga melli ovras saudan numerusas tapisserias ed enzacontas installaziuns voluminusas. Lilly Keller sudeva mai tier il mainstream. Ella ha adina cumbattiu per l‘egualitad dallas artistas ed ei sedustada da vegnir stuschada el cantun da «art da dunnas».