Concert Ils Fränzlis da Tschlin «Von Tschlin nach Wien»

Dals Engiadinais vain dit ch'els hajan perfin mal a chasa, cur ch'els sun a chasa. Ils Fränzlis resentan magari eir quist bramar cronic. Be sch'els sun a Vienna va quai plü o main. Üna surpraisa nun es quist bramar vers l'ost: l'En collia l'Engiadina ed il Tirol fingià daspö adüna plü cumadaivel co cha'l pass dal Flüela fa quai cul rest dal Grischun. Cun lur program actual «Von Tschlin nach Wien» quieteschan ils Fränzlis lur brama e viageschan da Tschlin a Vienna e darcheu inavo. Sin viadi vegn prendì cun quai che plascha: Schottischs «lüpfigs», Jodels nostalgics, tocs tradiziunals da Tschlin, Vienna e da dapertut, tocs preferids da pli baud e tocs novs che daventan forsa ina giada ils tradiziunals da damaun.