Da cuminonza a Ruschein - la sera dils treis

Ina sentupada cun Maurus Blumenthal El ei carschius si a Ruschein ed ei dapi igl atun 2020 directur da l'Uniun grischuna da mistregn ed artisanadi (Bündner Gewerbeverband), quella uniun che festivescha uonn il giubileum da 125 onns e che ei cun ses bunamein 7000 commembers la pli gronda organisaziun economica dil Grischun. Il hosp dalla sera raquenta da sia lavur ed era da sia veta privata. Il bab da dus affons passenta bugen da siu temps liber en Stussavgia. En giuvens onns eis el staus in onn en Frontscha e duront siu studi ha el frequentau in semester en Jordania. L'entrada ei gratuita e beinvegnidas ein sco adina era persunas d'ordeifer.