SRG SSR On the Road to Basel

SRG SSR On the Road to Basel: la Svizra unida en la musica Exposiziun agricula Agrischa, Cuira "SRG SSR On the Road to Basel" celebrescha la diversitad da la musica svizra. Visitadras e visitaders pon sa legrar tranter auter da quatter artistAs che represchentan musicalmain lur regiun linguistica: MATTIU da la Svizra rumantscha, Cachita da la Svizra tudestga, Looppoli da la Svizra taliana e Marie Jay da la Svizra romanda. Dasper atgna musica datti er ina nov'interpretaziun da la chanzun da l'ESC "Ne partez pas sans moi" da Céline Dion en ils quatter linguatgs naziunals, surlavurada cun agid da Gjon's Tears che chanta er durant quest event a Cuira. Ultra da quai regordan discurs e retrospectivas da l'istorgia da l'ESC e da l'impurtanza da la cultura e da la diversitad da medias per la coesiun da la Svizra. La turnea ha cumenzà a Lugano, maina sur Cuira a Losanna e finescha a Basilea sin il Barfüsserplatz en il rom dal ESC. Moderaziun a Cuira: Livio Chistell e Jean-Marc Richard