Concert da Martina Linn cun referats curts

Davart romantica, retschertgas e rumpatestas Co pudess ina persuna sursilvana chapir il pled «scarafag»? Co chattar ora dapli da quest pled? Co influenzeschan ils uffants la lingua da lur geniturs? – Quai e dapli sa dumondan Giuanna Caviezel, Ralf Beer ed Ursin Lutz a chaschun dad ina sairada rumantscha organisada da la Societad Retorumantscha. En furma da referats curts dattan els in’invista en particularitads da la lingua rumantscha, en projects da retschertga ed en las activitads da la Societad Retorumantscha che edescha tranter auter il Dicziunari Rumantsch Grischun. Cumplettads vegnan lur referats da las chanzuns da l’Engiadinaisa Martina Linn. Avant quest program ha lieu a partir da las 18:30 la radunanza annuala da la Societad Retorumantscha, presidiada da Corina Casanova. Tgi che vul savair dapli davart las activitads da la Societad Retorumantscha è cordialmain envidà da vegnir a la radunanza sco giast. Dapli sin drg.ch