Ambassada Rumantscha Turitg (ART) - Creaton

NUS ANS ALLEGRAIN SIN TIA ANNUNZIA FIN ILS 6 DAD AVRIGL 2025 ! Dapi onns crescha il giavisch da la diaspora rumantscha d'avair in lieu fix, nua che la cultura e l'identitad rumantscha po vegnir vivida e tgirada. Il project ART è sa deditgà a quest giavisch e vegn sustegnì durant ses svilup da l'Uffizi federal da cultura (UFC) e da la Societad cooperativa per lavurs da construcziun Zentralstrasse (BGZ). Il Creaton per l'Ambassada Rumantscha Turitg (ART) è in inscunter che gida activamain a furmar l'avegnir da la cuminanza rumantscha da la Svizra. La finamira è da rinforzar nossas raits existentas e discurrer ensemen cun uniuns, cuminanzas d'interess, sustegnid:ras e represchentanzas da la cuminanza rumantscha davart ils basegns per l'utilisaziun e l'avegnir da quest center rumantsch a Turitg. Nus vulain envidar vus ad esser part da quest project ed a parter cun nus al Creaton Vossas perspectivas ed ideas e Vossa savida ed experientscha.