Café rumantsch virtual cun giasts internaziunals (puter e vallader)

Nus avain plaschair, sche vus essas da la partida. Il café stuais far sez, per ils buns discurs procura la Lia Rumantscha. Nus ans inscuntrain ina giada al mais durant l’enviern 2025 e discurrin e discussiunain davart ina tematica. Latiers bavain nus noss café e giudain 60 minutas rumantschas. Per quest café rumantsch virtual beneventain il giast Madlaina Vallois-Crastan, che deriva da Sent. Dapi varga 30 onns viva ella dentant en Frantscha. L`amur la ha manà l`emprim a Paris ed oz en la vischinanza. Ella è tuttina adina puspè a Sent.