EN - sairada musicala e poetica cun Martina Linn e Rico Valär

Martina Linn transfurma lirica rumauntscha en chanzuns sfericas, commoventas ed ans maina en il mund melanconic da las nots e da l'atun en Engiadina. Il flum ans porta tras las vals, fin al bös-ch da Tamangur, la balla dal bau envida da saltar, il di passa, ils giavischs restan – incumplets. Entant recitescha Rico Valär poesias rumantschas davart l'En, quest grond chantadur, quest raquintader da tarablas, questa memoria collectiva engiadinaisa. Els vegnan accumpagnads da Samuel Baur (percussiun) e Robert Aeberhard (bass).