Scriver illa lingua dal cour. Ün discuors cun Flurina Badel e Dumenic Andry

Occurrenza i'l Waldhaus a Segl in cooperaziun cul Museum da SeglLa redschissura e curatura Barbara Liebster, respunsabla per l'exposiziun "viver litteratura" ("Literatur erleben") i'l Museum da Segl, ho invido a l'autura Flurina Badel e l'autur Dumenic Andry ad ün discuors i'l Waldhaus, per discuorrer per tudas-ch sur dal scriver illa lingua dal cour, il rumauntsch. L'artist Wink Witholt chi ho creo l'exposiziun declera scu cha temas e texts haun inspiro il process da la creaziun da l'installaziun. Chi chi vuless survgnir ün'impreschiun già aunz es invido/invideda da visiter l'installaziun "sun leivra davant costas naiv frais-cha" ("Bin Hase am frisch verschneiten Hang") da Barbara Liebster e Wink Witholt i'l Museum da Segl, inua cha lirica e prosa dad och autur:as engiadinais:as cumpletteschan üna collascha da suns e musica ad ün'experienza d'udida polifona in üna cuntredgia poetica.