Popcorn-Opera: Il spectacul da tribuna explosiv da Bibi Vaplan

En la «Popcorn-Opera» van Bibi Vaplan e sia crew sin viadi cun la racheta Xalvadora e visitan ils planets inspirants dal univers da popcorn. Sin lur viadi chattan els essenzas da la fortuna ch’els vulan prender cun els enavos sin Terra. L’element central da la «Popcorn-Opera» è e resta la musica. Sis chantadur:as creeschan ina varietad da suns e tuns nunusitada. Balladas da clavazin melanconicas scuntran arias atonalas, arranschaments d’instruments a flad blues da sirenas e chant a capella solos da sousafon ubain ritmus da cha cha cha. Tut las musicistas ed ils musicists da la «Popcorn-Opera» èn multiinstrumentalist:as e contribueschan al project cun lur experientschas en differentas spartas. En cumbinaziun cun projecziuns da video sfericas sin tribuna daventa il viadi tras l’univers da popcorn in eveniment che intganta tut ils senns. A quest project multimedial èn participad:as numerus:as artist:as prominent:as dal Grischun. Las linguas da represchentaziun èn tudestg e rumantsch.