In film ha bia mauns e tgaus - Cun Bertilla Giossi sur da sia lavur tier RTR

Il 2000 ha Bertilla Giossi realisau siu emprem film documentar per l’emissiun CUNTRASTS dalla Televisiun Rumantscha RTR. Dapi lu ha ella fatg varga 50 films cun temas zun multifars. Naven dallas dunnas che lavuran per la NEAT, ils missiunaris romontschs en Tansania, la pissiun per la maschina da cuser Bernina, la mecza da casa ni uss actualmein in film sur digl avegnir dallas soras domenicanas da Glion che vegn emess ils 27 d’avrel 2025. Nua ir per las ideas? Daco filmar sis uras sch’il film ei la finfinal mo 25 minutas liungs? Conta glieud ei insumma involvada en ina tala producziun? En sia presentaziun dat la cineasta Bertilla Giossi ina investa a sia lavur per in film, naven dalla tscherca dall’idea entochen ch’il film ei promts per emetter.