#2 creaton rumantsch

Has ti in’idea per la Rumantschia e betg anc chattà il schlantsch per la realisar? U ta vulessas ti laschar inspirar da plans che autras ed auters han gia en chaschutta? Lura è questa occurrenza precis il dretg per tai. Ils 19 da schaner 2025 ha lieu la segunda ediziun dal creaton. Questa giada ans entupain nus  a Berna en il PROGR. I vegn puspè ad esser in inscunter per formular e concretisar ideas per la Rumantschia cun focus sin la diaspora rumantscha. Ils trais megliers projects vegnan sustegnids cun 4000 francs. T’annunzia il meglier gist uss: forms.gle/yhH1Lx7xVydNznmB8 Sche ti has in'idea per in project pos ti notar quella en quest document: edupad.ch/p/lmHUFqjuD4 Dapli infurmaziuns sin rumantsch.ch e sin liarumantscha.ch.