screening da film e talk d'artists/ Adrian Melis

Screening da film e suenter discurs cun Fadri Cadonau (en englais) Adrian Melis es naschi dal 1985 a Havanna e viva e lavura daspö il 2010 in Europa. En ses videos, en sias fotografias ed en sias installaziuns examinescha el la relaziun tranter las cundiziuns da basa che vegnan imponidas da las structuras socialas, politicas ed economicas e las strategias cuntrarias ch' il singul applitgescha en sias emprovas da guntgir u da na betg impedir quellas. Ils protagonists da sias lavurs èn ils lavurants en las economias publicas socialisticas e chapitalisticas, oravant tut en Cuba ed en Spagna. Melis analisescha dus sistems economics cuntradictorics e lur differenzas areguard la valur sociala da la lavur: la mancanza da motivaziun en il sistem cuban e la mancanza da plazzas da lavur en in pajais neoliberal sco la Spagna. Models productivs, reschims politics ed individis s' articuleschan en in'ovra cumplessiva critica ed a medem temp poetica.