Viver e luvrar – luvrar e viver cun Gion A. Caminada

En nossa cuntrada eis el naturalmein enconuschents: Gion A. Caminada, gl’architect dil niev Archiv cultural Tujetsch. Siu num e renum tonschan lunsch sur il Grischun ora. Sia carriera ha el entschiet sco emprendist da scrinari a Vrin. El deriva pia da lavurs artisanalas concretas ed ei sescolaus vinavon alla scola d’artinasadi a Turitg e pli tard alla SPF/ETH, avon ch’el ei vegnius nominaus sco professer alla SPF. A Vrin meina el in biro d’architectura. Ils dus pols, d’ina vart la genuinitad concreta, da l’autra vart la visiun abstracta, setraian lu era atras siu patertgar e sias lavurs. Aschia tonschan ses edifecis naven da stallas da muvels, casas d’ina famiglia, habitadis, hotels, instituziuns da cultura, tochen tier la «Stiva da morts» a Vrin. «Construir ei veta e la veta ei la norma digl architect. » La sera empermetta investas ed exempels pratics e ponderaziuns teoreticas. Nus selegrein fetg da saver beneventar tier nus Gion A. Caminada sco referent.