Concert dubel: Michael Arbenz (clavazin) e Florian Arbenz (battaria)

En ses program "classicism - A Point Of View" cumbinescha Michael Arbenz sias mirveglias creativas cun sias experienzas multifaras cun la tradiziun da jazz e cun la musica classica. Mintga toc ha in connex direct cun ina cumposiziun classica e cuntegna damai enconuschientschas che vegnan contrastadas da groove, d'improvisaziun e da novas colurs sonoras. Ses solo da clavazin vegn inspirà tant da la ritga tradiziun da jazz sco er da las colurs sonoras variadas d'in orchester sinfonic. Cun ses program "Reflections of the eternal line" as rechatta Florian Arbenz ina nouva terra: El as lascha inspirar da la seria da purtrets actuala da l'enconuschent pictur svizzer Stephan Spicher per ses program solo. Ils purtrets da Spicher as volvan per la lingia infinita e per il dialog da cotschen e nair. Cun lur expressiun e lur forza inspireschan els Arbenz per discurs ed improvisaziun. Il gieu vigurus e plain fantasia da Florian Arbenz po uschè sa sviluppar plainamain.