Sonda Lunga en chasa RTR

RTR avra durant la Sonda Lunga puspè sias portas al public e porscha la pussaivladad da dar in sguard davos las culissas. Durant in gir tras la chasa RTR survegnis Vus invistas en il mund fascinant da las medias. Vulevas schon adina ina giada lavurar sco moderatura u moderatur en in studio da radio ni televisiun? Avais schon ina giada sa dumandà co ch’i novitads vegnan fatgas tar RTR? Vulais far sez registraziuns e vesair co che quellas vegnan tagliadas? Vulais emprender, co ch'in radio DAB+ vegn installà? Ni vulais scuvrir las perlas da noss archiv? Vegni sperasvi e scuvri la chasa da medias RTR! Per ils pitschens datti ultra da quai in program creativ e noss concerts procuran per divertiment musical. Concerts en chasa RTR: 13.00: Cha da fö, Malenco, Julie Fox 13.30: Linard Bardill (per uffants) 14.00: Cha da fö, Malenco, Julie Fox 15.30: Linard Bardill (per uffants) 16.00: Sirius, Sam L, Kai Bonzai 17.00: Sirius, Sam L, Kai Bonzai 19.30: ladunna Nus ans legrain sin Vossa visita!