Teater a Sagogn

L’Uniun da teater Sagogn muossa ina cumedia en treis acts da Peter Hinrichsen. La versiun romontscha «Alla catscha dil cilender» ei ord la plema dad Erwin Caduff. Il pur Anton Stretg e siu amitg, il barbier Guschti Nutli, han omisdus tschaffen dalla pura e vieua Frena Bigliel, denton senza che lezza sappi da quei. Cura che Frena Bigliel ha in siemi curios lai ella interpretar quel dalla hobbi-profeta Apolonia. Tenor lezza duei in um cun cilender e cassacca entupar ella dallas tschun sper la caplutta. Quel vegn ella lu a maridar. Cura che Stretg e Nutli endrieschan da quei fan els tut il pusseivel e nunpusseivel per survegnir ina cassacca ed in cilender. La catscha ei lantschada. Tgeinin dils amitgs che fa la cuorsa e daco ch’il scolast Bauscorsa vegn sfurzaus da schar giu caultschas, gliez vegn aunc buc tradiu.