PEIDEN - ina sera da e cun Bruno Cathomas

PEIDEN è in project fitg persunal da l'actur Bruno Cathomas per rumantsch e tudestg che ha gì premiera al Teater Cuira. El es naschì in collavuraziun cun Rafael Sanchez, il co-intendant designà dal Schauspielhaus Turitg a partir dal 2025, e Roman Weishaupt, anteriur directur dal Teater Cuira. PEIDEN raquinta d'in vitg en las muntognas, co ch'el è ars e construì duas giadas, lu sbuvads e bandunads fin ch'il santeri è sa svidà. El raquinta da Bruno Cathomas e ses avdants che manavan il hotel Peiden-Bogn, co ch'el è sa dasdà ina damaun cun in brischament, co ch'el è stà lià otg uras vi d'ina planta, tge ch'il policist ha da far cul emprendissadi tier Blocher e pertge ch'el è daventà uschia sco ch'el è: admirà sin las tribunas tudestgas e temì en patria. Quist Bruno inscuntra in auter Bruno, in che na ha mai bandunà ses vitget e viva da las reminiscenzas. Co quista vita fiss ida, sa mo Nossadunna che è vegnida bittada en l'aua. Franc è: per dus Brunos è il mund memia pitschen.