Davosa guida publica tras l'exposiziun «Sogn Gieri 1698» cul curatur Beat Gugger

L'exposiziun speciala stat cumpleinamein el segn dil giubileum da «600 onns Ligia Grischa». Duront varga 370 onns era la Cuort Ligia Grischa – oz Museum Sursilvan – mintgamai la primavera entuorn il di da Sogn Gieri en il center dalla Ligia Grischa. Cheu serimnavan ils delegai da tut las 21 vischnauncas giudizialas per discuorer communablamein davart las fatschentas pendentas. L'exposiziun pren la caschun dil giubileum per dar in'investa directa ella dieta digl onn 1698.