Grischun Brass e JazzCuira preschentan: «The Music Of Pat Metheny»

Liric, emoziunal, captivant, tecnic – Grischun Brass e JazzCuira preschentan «The Music Of Pat Metheny» Grischun Brass e JazzCuira envidan ad ina saira da concert plain fusiuns da sound da brass e jazz. Sut la direcziun dal dirigent Gian Stecher vegnan cumbinads ils ferms accords da brass cun sound da jazz e rock e cun muments atmosferics da musica mundiala. Improvisaziun, solists, chant e bler ritmus empermettan in’aventura musicala. En il center stat la musica da Pat Metheny, in ghitarrist da jazz renumnà ed undrà frequentamain. Sco ovra principala preschenta Grischun Brass e JazzCuira tocs or da l’album «Secret Story».