225 onns Suworow a Pigniu - viseta guidada tras il vitg cun Arnold Spescha

Ils 6 d'october 1799 ei il general russ Alexander W. Suworow vegnius cun sia armada neu d'Elm sur il Pass Veptga. 15'000 schuldai fomentai ein arrivai el vitg da Pigniu che dumbrava da lezzas uras da quei da 70 habitonts. Quei ha caschunau gronda miseria el vitget alpin. En siu cudisch "Weltgeschichte auf der Dorfbühne" sefatschenta igl autur indigen Arnold Spescha culs fatgs e la historia da quei temps e mira sill'ierta da quels schabetgs drastics. Program: ADATG: Vendiu ora, negins plazs libers pli per 10.00 prelecziun ell'ustria Alpina a Pigniu Aviert per mintgin/a, senza annunzia ei: 14.00 guida publica tras Pigniu cun Arnold Spescha. Liug da sentupada tier la fermada d'auto da posta "Pigniu, vitg".