LUX - Concert pels dis da festa da La Cumbricula

L’ensemble vocal engiadinais La Cumbricula festagia l'on 2024 il giubileum da 25 ons. Sco fingià pels concerts da la stà 2024, es gnüda l’idea da metter insembel ün program tuot special eir pels concerts pels dis da festa avant Silvester. Mincha chantadura e mincha chantadur ha darcheu pudü giavüschar chi gnia chantada sia aigna chanzun prediletta. Il concert es dedichà a la glüm (lux), sco elemaint chi dess manar ils umans ill'on nouv. Il concert es da taimpra sacrala e preschainta cumposiziuns in differentas linguas ed our da differents temps. Il fil cotschen es la glüm, chi dess manar in ün on nouv plain spranza ed energia positiva. Selina Bontognali-Fluor dirigia La Cumbricula.