Che capodovra! - Gö liber a chaschun da 40 ons Gruppa da teater Sent

Che capodovra! Uschè as nomna il gö liber chi’d es gnü scrit a chaschun dal giubileum da 40 ons Gruppa da teater Sent. Per duos eivnas transfuorma la Gruppa da teater Sent insembel cun numerusas agüdantas ed agüdants implü, davant e davo las culissas la plazza da sport Palüzot in ün muond tuottafat magic e particular. L’idea, festagiar il cumün da Sent, cun tuot sias singularitats e laschar reviver impustüt eir differents tocs da teater cha la società ha giovà dürant ils ultims 40 ons. Quai scha ma pussibel cullas acturas ed acturs originals da quella jada. Plünavant dess impustüt eir star nossa cumünanza, la cumpagnia e la festa aint il center. Perquai, invida la Gruppa da teater Sent a tuottas e tuots avant mincha rapreschantaziun ad ün concert alternant cun ustaria da festa. Ils concerts chi cumainzan adüna a las 18:00 dessan resplendar tant sco noss gö liber, la diversità, l’amur ed il fö pel palc e la cultura da nossa bella patria. A bun ans verer a Sent.