Sentupada dus chors da giuventetgna sin pli ault nivel

L'uniun CRB cultura rumantscha en la bassa è vegnida fundada ils 2 da november 2022 cun cleras lingias directivas: 1. organisar occurrenzas culturalas per tgirar la cultura rumantscha 2. sustegnair iniziativas per promover la lingua e cultura 3. crear raits d'umans che s'interessan per la lingua e cultura rumantscha Fin uss avain nus pudì realisar cun success gia trais occurrenzas l'onn 2023: in concert impressiunant da trais chors renumads a Cham sco era dus events pli pitschens a Baar ed a Turitg. Nossa proxima finamira è da promover la giuventetgna ed il barat tranter las regiuns linguisticas da la Svizra. En quel connex planisain nus dus concerts: in a Losanna cun l'ensemble vocal "Incantanti" da Cuira ed ils chors da giuvenils "Lausanne résonne" e "Canta Riviera" da Losanna e l'auter di a Soloturn en collavuraziun cun "Incantanti" ed ils "Solothurner Singknaben".