Tschlin retour – ün duet per Fränzlis e film

Prol concert «Tschlin retour» portan ils Fränzlis da Tschlin lur cumün nativ güsta sül palc. Pussibel fa quai ün instrumaint special: il Cinemaphon®. El prodüa sün squitsch dal buttun tuns, ramurs e melodias, ma eir purtrets animos ed entiras istorgias. Cur cha'ls Fränzlis sunan e giovan cul Cinemaphon® sunan els cun Tschlin e cun els sezs sülla taila. Els improviseschan cun sasezs, san sunar a medem temp differents instruments e reinventan tocs enconuschents. Quest duet da film e tribuna è er in divertiment dubel per il public che giauda dus giadas uschè blers Fränzlis sco usità e fa il medem mument in pitschen viadi optic-musical a Tschlin en Engiadina bassa. Cun: Barbara Gisler, Anna Staschia, Cristina, Curdin, Domenic, Madlaina e Niculin Janett Idea, concept e reschia: Kathrin Siegfried e Georg Vogel