Lumnezia conta - concert da gala

6 chors - 170 cantaduras e cantadurs - 1 concert: tut ils chors dalla Lumnezia festiveschan il giubileum dal Chor mischedau Suraua (50 onns) cun in concert da gala en la baselgia claustrala a Glion. Il chor mischedau Suraua ei vegnius fundaus igl onn 1974 dalla giuventetgna da Suraua. Gia dapi 6 onns cantavan ins ensemen a caschun da diversas occasiuns. Ruedi Collenberg ei staus in dils iniziants dil chor ed ei vegnius eligius sco emprem dirigent. Igl emprem concert ha il chor astgau dar igl onn 1978 a caschun dil giubileum da 40 onns chor viril Lumnezia. Dapi lu han ils cantadurs e las cantaduras concertau regularmein, savens ensemen cun auters chors ni auters acts musicals.